مودی نے جمعرات کو ویڈیو کانفرنسنگ کے ذریعے مرکزی مالی اعانت سے چلنے والے اداروں کے ڈائریکٹر کے ساتھ بات چیت کی۔ اس بات چیت میں 100 سے زیادہ اداروں کے سربراہ شریک ہوئے۔
وزیراعظم نے کووڈ کے سبب پیدا ہوئے چیلنجز کا سامنے کرنے کی سمت میں ان اداروں کی جانب سے کیے گئے ریسرچ اور ترقیاتی کاموں کی تعریف کی۔ انہوں نے فوراً ٹیکنالوجیکل حل مہیا کروانے کی سمت میں نوجوان انوویٹروں کی کوششوں کی تعریف بھی کی۔
وزیر اعظم مودی نے کہا کہ بدلے حالات اور ابھرتے چیلنجز کے ساتھ تال میل رکھنے کے لیے اعلیٰ تعلیم اور ٹیکنیکل ایجوکیشن کو اختیار کرنے کی ضرورت ہے۔ اس کے لیے اداروں کو ملک اور سماج کی موجودہ اور مستقبل کی ضرورتوں کے مطابق آپشنل اور انوویٹیو ماڈل تیار کرنے اور نیا پن لانے اور ذاتی محاسبہ کرنے کی ضرورت ہے۔
انہوں نے اس بات پر زور دیا کہ ہمارے اعلیٰ تعلیمی اور ٹیکنیکل اداروں کو چوتھے ٹیکنیکل انقلاب کا خیال کرتے ہوئے نوجوانوں کو مسلسل رکاوٹوں اور تبدیلی کے لیے تیار کرنے کی ضرورت ہے۔
یہ بھی بڑھیں:
Cabinet Reshuffle: نئے وزراء نے قلمدان سنبھال لیا
وزیراعظم نے ایسے تعلیمی ماڈل کی سمت میں ترقی کرنے کی ضرورت پر زور دیا جو لچیلے، مسلسل اور طلبہ کی ضرورتوں کے مطابق تعلیم کے مواقع دینے میں اہل ہوں۔ انہوں نے کہا کہ رسائی، سستی، برابری اور معیاری ایسے تعلیمی ماڈل کی اہم اقدار ہونے چاہیئیں۔
یو این آئی
