Assembly Elections 2023 ناگالینڈ، میگھالیہ اور تریپورہ اسمبلی انتخابات کی تاریخوں کا اعلان آج

الیکشن کمیشن آج ناگالینڈ، میگھالیہ اور تریپورہ اسمبلی انتخابات کی تاریخوں کا اعلان کرے گا۔ ان تینوں ریاستوں میں انتخابی شیڈول کا اعلان دوپہر 2:30 بجے کیا جائے گا۔ EC press conference on assembly elections 2023

نئی دہلی: الیکشن کمیشن آج (18 جنوری) ناگالینڈ، میگھالیہ اور تریپورہ میں قانون ساز اسمبلیوں کے انتخابات کے شیڈول کا اعلان کرے گا۔ کمیشن سے موصولہ اطلاع کے مطابق ان تینوں ریاستوں میں انتخابی شیڈول کا اعلان آج 2:30 بجے کیا جائے گا۔ واضح رہے کہ ناگالینڈ، میگھالیہ اور تریپورہ قانون ساز اسمبلیوں کی میعاد اس سال مارچ میں ختم ہو رہی ہے۔ واضح رہے کہ میگھالیہ میں کُل 60 اسمبلی سیٹیں ہیں۔ بھارتیہ جنتا پارٹی کی پوزیشن یہاں کچھ خاص نہیں ہے۔ میگھالیہ میں 60 اسمبلی سیٹیں ہیں، یہاں بی جے پی کے پاس 9.6 فیصد ووٹ شیئر کے ساتھ صرف 2 سیٹیں ہیں۔ دوسری طرف لوک سبھا سیٹوں کی بات کریں تو ریاست میں کل دو لوک سبھا سیٹیں ہیں۔ ایک سیٹ کانگریس اور ایک سیٹ نیشنل پیپلز پارٹی کے پاس ہے۔

• Election Commission of India (ECI) to announce the Schedule of General Elections to Legislative Assemblies of Nagaland, Meghalaya & Tripura today. pic.twitter.com/mzLYH43Wdg

  — ANI (@ANI) January 18, 2023 " class="align-text-top noRightClick twitterSection" data="

  Election Commission of India (ECI) to announce the Schedule of General Elections to Legislative Assemblies of Nagaland, Meghalaya & Tripura today. pic.twitter.com/mzLYH43Wdg

  — ANI (@ANI) January 18, 2023

  ">

  Election Commission of India (ECI) to announce the Schedule of General Elections to Legislative Assemblies of Nagaland, Meghalaya & Tripura today. pic.twitter.com/mzLYH43Wdg

  — ANI (@ANI) January 18, 2023

شمال مشرق کی ایک اور ریاست ناگالینڈ میں بی جے پی کی سیاسی صورتحال کچھ خاص نہیں ہے۔ یہاں بی جے پی کے پاس 15.3 فیصد ووٹ شیئر کے ساتھ 60 اسمبلی سیٹوں میں سے صرف 12 سیٹیں ہیں۔ تاہم تریپورہ میں بی جے پی کافی مضبوط ہے۔ یہاں دو لوک سبھا سیٹیں ہیں اور دونوں بی جے پی کے پاس ہیں۔ اس کے ساتھ ساتھ بی جے پی کو اسمبلی میں بھی اکثریت حاصل ہے۔ بی جے پی 60 میں سے 36 سیٹوں پر قابض ہے۔ اس سے قبل الیکشن کمیشن نے تینوں ریاستوں میں انتخابی تیاریوں کا جائزہ لیا تھا۔ کمیشن نے شمال مشرق کی ان تین انتخابی ریاستوں کا چار روزہ دورہ کیا تھا۔ اس دورے میں چیف الیکشن کمشنر راجیو کمار کے ساتھ دونوں کمشنر انوپ چندر پانڈے اور ارون گوئل بھی تھے۔

چیف الیکشن کمشنر نے تینوں ریاستوں کے چیف سکریٹریز، ڈائرکٹر جنرل آف پولیس کے ساتھ ساتھ سیاسی جماعتوں کے نمائندوں کے ساتھ میٹنگ کی۔ معلومات کے مطابق الیکشن کمیشن کے اہلکار 11 جنوری کو تریپورہ پہنچے تھے۔ یہاں سے ناگالینڈ اور آخر میں میگھالیہ کا دورہ کیا گیا۔ ذرائع کے مطابق فروری میں ان تینوں ریاستوں میں اسمبلی انتخابات ہونے جا رہے ہیں۔ اس کے بعد اپریل-مئی میں جموں و کشمیر میں اسمبلی انتخابات 2023 کے انعقاد کا امکان ہے۔ اس کے بعد کرناٹک میں مئی میں اور پھر چھتیس گڑھ، مدھیہ پردیش اور میزورم میں سال کے آخر میں نومبر میں اسمبلی انتخابات ہوں گے۔ ساتھ ہی تلنگانہ اور راجستھان میں 2023 کے انتخابات کی تاریخوں کا اعلان دسمبر میں کیا جا سکتا ہے۔

یو این آئی