دہلی یونیورسٹی ٹیچر ایسوسی ایشن کے اعلان پر دولت رام کالج کے شعبہ نفسیات میں خاتون دلت اساتذہ کی تقرری کے بعد بھی کلاسز نہیں دینے کے خلاف کالج پرنسپل کے دفتر کے باہر استاتذہ نے مظاہرہ کر کے اپنا احتجاج درج کرایا اور نعرے بازی کی۔
دہلی اساتذہ ایسوسی ایشن کے انچارج پروفیسر ہنسراج سمن نے بتایا 'دولت رام کالج کے شعبہ نفسیات میں ایک ایڈہاک ٹیچر کو 10 اگست کو جوائن کرایا گیا ہے، انہیں پڑھانے کے لئے ٹائم ٹیبل دیا گیا تھا، لیکن انہیں آج تک طلباء کی فہرست اور کالج کے ذریعے دیا جانے والا لنک نہیں دیا گیا ہے'۔
انہوں نے اس کی سخت الفاظ میں مذمت کی ہے اور کہا ہے کہ تعلیمی سیشن 2020-21 میں تمام ایڈہاک اساتذہ کو شامل کیا گیا ہے، صرف دلت ایڈہاک خاتون اساتذہ کو شامل نہیں کیا گیا ہے۔
یہ بھی پڑھیے
جے ای ای - نیٹ امتحانات پر حکومت کو طلبہ کی بات سننی چاہئے
پروفیسر سمن نے بتایا ہے 'کالج کا تعلیمی سیشن شروع ہوئے 18 دن ہوچکے ہیں۔ اس سال کووڈ-19 جیسی وبا کی وجہ سے بحران کے اس دور میں کالجوں نے تمام ایڈہاک اساتذہ کو جوائن کرایا ہے لیکن نہ جانے کیوں اس خاتون ٹیچر کو طلباء کی فہرست اور انہیں پڑھانے کے لیے لنک فراہم نہیں کیا گیا'۔
