سی ایس آر ریسرچ فاؤنڈیشن کی جانب سے حکومتی اسکیموں اور چھوٹی صنعتوں میں بلاک چین ٹیکنالوجی کے استعمال پر مباحثے کا اہتمام کیا گیا۔ تقریب کا اہتمام سی ایس آر ریسرچ فاؤنڈیشن نے قومی دارالحکومت نئی دہلی کے مقامی ہوٹل میں کیا۔ مرکزی وزیر مملکت سبھاش سرکار پروگرام کے مہمان خصوصی تھے۔
پروگرام کی صدارت ایس ایم سی گروپ کے سی ایم ڈی سبھاش اگروال نے کی اور سی ایس آر ریسرچ فاؤنڈیشن کے چیئرمین اور بینک آف مہاراشٹر کے سابق ڈائریکٹر دین دیال اگروال نے تھیم پیش کیا اور خوش آمدید کہا۔
پروگرام سے خطاب کرتے ہوئے مہمان خصوصی سبھاش سرکار نے کہا کہ اس طرح کے پروگرام تکنیکی میدان میں ایک نئی جدت لائے گا ایسا میرا یقین ہے۔ گوپال کرشنا اگروال نے اپنی تقریر میں بلاک چین کی ضرورت اور حکومتی اسکیموں اور چھوٹی صنعتوں میں بلاک چین ٹیکنالوجی کی افادیت پر بات کی اور خواتین کی صحت سے متعلق ریسرچ فاؤنڈیشن کی طرف سے کئے گئے کام کا تذکرہ کیا ، نیز صحت کی دیکھ بھال کے شعبے میں بلاک چین ٹیکنالوجی کے کردار کا ذکر کیا۔
مزید پڑھیں: یوگی حکومت کے ترقیاتی اشتہار میں کولکاتا کی تصویر
بھوٹان کے اقتصادی امور کے وزیر لیمپو لوک ناتھ نے سی ایس آر۔ ریسرچ فاؤنڈیشن کی جانب سے شائع ہونے والی کتاب "بلاک چین" واٹ اٹ آفر کا ورچوئل اجرا کیا اور کتاب کے مصنفین اجے شنکر سنگھ اور پنکج سوم چترویدی کو مبارکباد دی۔ پروگرام کے دوران مکیش سنگھل، بی پی مہابار، ریتوپرن سنگھ، ونیت ماتھر، راجیش کمار پاٹھک، ڈاکٹر آلوک پانڈے، سبودھ شرما، دیپک کھنڈوری، جارج کورویلا، اتول گپتا، سنجے کمار، بیریندر سنگھ، ڈاکٹر پرویش مہرا، ایس۔ کے سنہا، شیلیش وکرم سنگھ، شمشیر بہادر، سنجے ماتھر، زلیخا وغیرہ موجود تھے۔
آپ کو بتادیں کہ بلاک چین بنیادی طور پر ایک ایسا روزنامچہ ہے، جہاں نیٹ ورک میں تمام شرکت کار اپنی ٹرانزیکشنز رجسٹر کررہے ہوتے ہیں۔ بلاک چین، ڈیٹا بیس کی طرح برتاؤکرتا ہے، یہ ایسی جگہ ہے جہاں نیٹ ورک کے تمام شریک کار اپنا ڈیٹا نیم عوامی درازیا کنٹینر، جسے اس ٹیکنالوجی میں 'بلاک'کہتے ہیں، اس میں اسٹور کرتے ہیں، اس اصطلاح کو سمجھنے کے لیے کرپٹو کرینسی سے متعلق جاننا ضروری ہے کیونکہ کرپٹو کرینسی اور اس کے لین دین سے متعلق ڈیٹا اسی بلاک چین میں جمع ہوتا ہے۔
