قومی دارالحکومت دہلی میں تین برس قبل جواہر لال نہرو یونیورسٹی (جے این یو) سے غائب نجیب کا جب کوئی سراغ نہیں ملا تو عاجز ماں نے امت شاہ کے گھر پر دھرنا دینے کا اعلان کردیا
نجیب کی ماں دو اکتوبر سے 15 اکتوبر تک ملک بھر میں مظاہرے، جبکہ آخری روز دہلی میں احتجاجی مظاہرہ ہوگا۔
نجیب کی والدہ نے بابائے قوم مہاتما گاندھی کی یوم پیدائش یعنی دو اکتوبر سے نجیب کی واپسی کے لیے ایک مہم شروع کی ہے، جبکہ 15 اکتوبر کو امت شاہ کے گھر تک احتجاجی مارچ کر نے کا اعلان کیا ہے۔
واضح رہے کہ نجیب احمد جے این یو سے اکتوبر سنہ 2016 کو پراسرار طریقہ سے غائب ہوگیا تھا، جبکہ نجیب کی گمشدگی کے بعد اس کے اہل خانہ کا کہنا ہے کہ نجیب کی گمشدگی میں آر ایس ایس کی طلبہ ونگ اکھل بھارتیہ ودّیارٹھی پریشد (اے بی وی پی) شامل ہے۔
اسی ضمن میں کئی انکوائری ہوئی اور مقدمہ بند کردیا گیا، جبکہ تین برس ہوچکے ہیں لیکن فاطمہ نفیس کو ابھی بھی نجیب کے بارے میں پتہ نہیں چلا کہ وہ زندہ ہے یا نہیں۔
نجیب کی والدہ نے گاندھی جی کی یوم پیدائش کے موقع پر اپنے بیٹے کے لیے ایک مہم شروع کرنے کا اعلان کیا ہے۔
انہوں نے ایک پریس کانفرنس کرکے کہا کہ وہ اپنی لڑائی اب بھی جاری رکھیں گے۔
نجیب کی والدہ نے بتایا کہ وہ 15 اکتوبر کو ایک احتجاجی مظاہرہ کریں گی، اور اس کے بعد وزیر داخلہ امت شاہ کے گھر کا گھیراؤ کریں گی۔
غور طلب ہے کہ احتجاجی مظاہرہ میں انسپکٹر سبودھ سنگھ کی اہلیہ رجنی سنگھ، اور معروف کرناٹک کی صحافی گوری لنکیش کے اہل خانہ بھی شامل ہوں گے۔
