دہلی کے سلطان پور میٹرو اسٹیشن کے قریب چلتی میٹرو میں خاتون مسافر کے سامنے ایک شخص نازیبا حرکت کرنے لگا، اس کی شکایت خاتون نے تھانے میں درج کرائی اور پولیس نے 'ڈی ایم آر سی' کی مدد سے اسے گروگرام علاقے سے گرفتار کر لیا۔
اس واقعے سے متعلق پولیس ملزم سے پوچھ گچھ کر رہی ہے۔ دوسری جانب ،ڈی ایم آر سی، نے لوگوں سے اپیل کی ہے کہ ایسے معاملے در پیش آنے پر فورا ایمرجنسی الارم بجا کر شکایت درج کریں۔
وہیں ڈی ایم آر سی کے ترجمان انوج دیال نے بتایا کہ 'میٹرو میں موجود ایک خاتون کے ساتھ نازیبا حرکت کرنے کا معاملہ سامنے آیا تھا جس کی شکایت خاتون نے ڈی ایم آر سی سے ٹویٹر کے ذریعہ کی تھی۔'
خاتون نے اس معاملے کی شکایت نہ صرف ڈی ایم آر سی سے کی تھی بلکہ گتورنی پولیس اسٹیشن میں بھی شکایت درج کرائی تھی ۔ خاتون نے معاملے کے وقت موبائل میں ملزم کی تصویر بھی لی تھی جس کو شکایت کے دوران ٹویٹر پر شیئر کیا تھا۔
تصویر کی نشاندہی پر میٹرو سکیورٹی، پولیس کو ملزم کی تلاش میں معاونت کررہی تھی جبکہ ڈی ایم آر سی، سی سی ٹی وی فوٹیج کے ذریعے اے ایف سی گیٹ سے تفتیش کی تو پتہ چلا کہ یہ شخص اپنا میٹرو کارڈ آن لائن ریچارج کرتا ہے۔
ایف سی گیٹ سے ڈی ایم آر سی نمے ملزم کا موبائل نمبر حاصل کیا اوراسی کی نشاندہی پر میٹرو پولیس کو آگاہ کیا، پولیس نے گروگرام سے ملزم کو اپنی تحویل میں لے لیا ہے۔
میٹرو کے ڈی سی پی وکرم پوروال نے بتایا کہ گرفتار ملزم ابیلاش کمار ہے، جو گروگرام کے سیکٹر 22 کا رہائشی ہے اور پیشے سے سول انجینئر ہے۔
وہ گروگرام کے ایک کمپنی میں ملازمت کرتا ہے اور اصل میں ہریانہ کا رہائشی ہے ۔
