لوک سبھا میں پب جی گیم پر پابندی کا مطالبہ

لوک سبھا میں آن لائن گیم پب جی ، بلیو وہیل اور دیگر کمپیوٹر گیمز کو بچوں کے لیے خطرناک بتاتے ہوئے ان پر پابندی عائد کرنے کا مطالبہ کیا گیا ہے۔

کانگریس پارٹی کے وسنت کمار نے وقفہ صفر میں یہ معاملہ اٹھایا اور کہا کہ پب جي، بلیو وہیل اور دیگر آن لائن کمپیوٹر گیمز بچوں کے لیے مہلک ہیں تاہم ان پر پابندی عائد کیا جانا چاہئے۔

انہوں نے کہا کہ ان کی وجہ سے چھوٹے بچوں کا ذہن متاثر ہو رہا ہے اور وہ جارح بنتے جا رہے ہیں اور ان کی ذہنی سوچ میں بھی تبدیلی آ رہی ہے۔

انہوں نے موبائل اور کمپیوٹر پر ان کھیلوں کو 'تباہ کن' قرار دیتے ہوئے کہا کہ حکومت کو ان پر پابندی لگانے پر سنجیدگی سے غور کرنا چاہئے کیونکہ نوجوانوں پر ان کھیلوں سے منفی اثر پڑ رہا ہے۔