کانگریس کی چھایا ورما نے وقفہ صفر کے دوران حال ہی میں رسوئی گیس کی قیمت بڑھائے جانے کا معاملہ اٹھایا اور کہا کہ غریب لوگ مہنگا ہونے کی وجہ سے سلنڈر بھرا نہیں پا رہے ہیں اور وہ پھر چولہا چوکا کے دور میں لوٹنے پر مجبورہو رہے ہیں۔
انہوں نے کہا کہ بین الاقوامی مارکیٹ میں خام تیل اور ایل پی جی کی قیمت کم ہو رہی ہے تو ملک میں بھی حکومت کو اس کی قیمت کم کرنی چاہئے۔
مسٹر ورما نے کہا کہ حکومت نے اججولا منصوبہ کے تحت خط افلاس سے نیچے زندگی گزارنے والوں کو رسوئی گیس کے کنکشن مہیا كروائے ہیں لیکن وہ مہنگا ہونے کی وجہ سے اپنا سلنڈر بھروا نہیں پا رہے ہیں تو اس اسکیم کا انہیں فائدہ کس طرح ملے گا۔
انہوں نے کہا کہ حکومت نے راشن کارڈ پر ملنے والے مٹی کے تیل کا کوٹہ بھی کم کر دیا ہے جس سے غریبوں کو بڑی دقتیں ہو رہی ہیں۔
انہوں نے حکومت سے رسوئی گیس کی قیمت کم کرنے اور راشن کارڈ پر ملنے والے مٹی کے تیل کا کوٹہ بڑھانے کا مطالبہ کیا۔
