111 سالہ ووٹر عمر کے اس موڑ پر بھی انتخاب کے بارے میں پرجوش ہیں۔ اسی کے ساتھ انہوں نے نوجوانوں کو یہ پیغام بھی دیا کہ انہیں ملک کے حکمرانوں کا انتخاب کرنے میں جوش و خروش کا مظاہرہ کرنا چاہئے اور انہیں ووٹ ڈالنا چاہئے۔
وہیں چترنجن پارک (سی آر پارک) میں رہنے والے کالی تارہ منڈل کا کہنا ہے کہ انہوں نے اب تک تقریبا ہر انتخاب میں ووٹ دیا ہے۔
اس کے علاوہ، اپنے ووٹنگ کے تجربے کو بتاتے ہوئے، کہا کہ وہ دور بھی دیکھا تھا جب ووٹنگ کے صندوق میں پرچی ڈالی جاتی تھی اور آج بھی جب ای وی ایم سے ووٹنگ ہو رہی ہے۔
مزید پڑھیں: دہلی اسمبلی انتخابات: 8 بجے سے شروع ہوگی پولنگ
اس سلسلے میں وہ کہتی ہیں کہ اس بار انہیں یہ پسند آیا کہ ضعیف ووٹرز کے لئے گھروں سے پولنگ اسٹیشن منتقل کرنے کی سہولت اب الیکشن کمیشن کی جانب سے فراہم کی جارہی ہے۔ وہ یہ بھی کہتی ہیں کہ وہ اپنی انگلی پر ووٹ ڈالنے اور سیاہی لگوانے کے لئے پرجوش ہے۔
وہیں کالی تارہ منڈل کے پوتے سورج منڈل نے اپنی دادی کے جوش کو دیکھتے ہوئے کہا ہے کہ ان کی دادی کا جوش و جذبہ ان کے لئے ایک تحریک ہے۔ اسی کے ساتھ ہی سورج کا کہنا ہے کہ ووٹ ڈالنا ہر ایک کا حق ہے اور سب کو ووٹ دینا چاہئے اور اس حق کو استعمال کرنا چاہئے۔
واضح رہے کہ دہلی اسمبلی انتخابات کے لیے 8 فروری کو ووٹنگ ہوگی اور نتائج کا اعلان 11 فروری کو ہوگا۔
