قومی نرس ڈے کے موقع پر دہلی کے ٹرانسپورٹ مزدور یونین نے بھارتیہ مزدور سنگھ کے ساتھ دہلی کے اسپتالوں میں جاکر یوم نرس منایا اور اس موقع پر بھارتیہ مزدور سنگھ نے اس عالمی وبا کے درمیان اپنی زندگی کی پروا کیے بغیر خدمات انجام دینے والی ان نرسوں کا شکریہ ادا کیا۔
دہلی ٹرانسپورٹ یونین کے صدر وجیندر سنگھ نے کہا کہ آج پیرا میڈیکل عملہ بلا تھکے اور رکے ملک کی خدمت کررہا ہے۔ اس میں نرسوں کا ایک اہم کردار ہے ۔
دہلی ٹرانسپورٹ مزدور یونین کے صدر وجیندر سنگھ نے کہا کہ بھارتیہ ٹریڈ یونین ہندوستان کی سب سے بڑی مزدور تنظیم ہے۔ ہم ملکی خدمت میں بھی اپنی ذمہ داری نبھاتے ہیں۔ اس پروگرام کا انعقاد نرسوں اور پیرامیڈیکل عملہ اور ڈاکٹروں کے حوصلے بلند کرنے کے لیے کیا گیا ہے۔ اس کا مقصد ان سے اظہار تشکر کرنا ہے۔
اس پروگرام میں دہلی ٹرانسپورٹ مزدور یونین کے صدر وجندر سنگھ ، علاقائی صدر جوگندر سنگھ ، علاقائی وزیر مسٹر سنجے پنڈت اور علاقائی صدر ونود کمار نے اہم کردار ادا کیا۔
