دہلی فسادات کے معاملے میں بدھ کے روز کڑکڑ ڈوما کورٹ نے سماعت کرتے ہوئے آتشزدگی اور لوٹ کے معاملے میں 10 ملزمین کو بری کردیا ہے۔ اس معاملے میں تین شکایت کنندہ نے شکایت درج کرایا تھا، جس میں ایک شکایت کنندہ برج پال نے شکایت کی تھی کہ برجپوری روڈ پر اس کی کرائے کی دکان کو 25 فروری 2020 کو فسادیوں کے ایک ہجوم نے لوٹ لیا تھا۔
وہیں دوسرے شکایت کنندہ دیوان سنگھ نے بتایا تھا کہ 24 فروری 2020 کو ان کی دو دکانیں لوٹ لی گئی تھی۔
عدالت نے معاملے میں سماعت کرتے ہوئے کہا کہ 24 فروری 2020 اور 25 فروری 2020 کے واقعات کو اکٹھا نہیں کیا جاسکتا ہے، جب تک کہ یہ ثابت نہ ہوجاتا کہ دونوں معاملے میں ملزم ایک ہی تھے۔
مزید پڑھیں:دہلی فسادات: 10 مسلم افراد کے خلاف آتشزدگی کا الزام خارج
عدالت نے آتشزدگی اور لوٹ کے الزامات میں آج 10 ملزمین کو بری کیا ہے جن میں محمد شاہنواز، محمد شعیب، شاہ رخ، راشد عرف راجہ، آزاد، اشرف علی، پرویز، محمد فیصل، راشد عرف مونو اور محمد طاہر شامل ہیں۔
