دہلی: نبی کریم علاقے کے مزدور دانے دانے کے محتاج

ملک بھر میں کرونا وائرس کی وبا سے بچنے کے لیے حکومتی سطح پر متعدد اقدامات کیے جا رہے ہیں۔ مزدوروں کے لئے بھی راحت رسانی کا کام جا ری ہے ۔ لیکن اس کے باوجود کچھ لوگ ایسے بھی ہیں جنہیں ابھی تک حکومت کی طرف سے کوئی مدد نہیں مل پائی ہے.

قومی دارالحکومت دہلی کے نبی کریم علاقے میں 80 فیصد لوگ مزدور ہیں۔ یہ لوگ دیگر ریاستوں سے دہلی میں تلاش معاش کے سلسلے میں آئے تھے۔ مگر ملک میں جاری لاک ڈاون کی وجہ سے نہ صرف ان کے روزگار کا مسئلہ پیدا ہوا بلکہ انہیں دو وقت کی روٹی کے لیے بھی جدوجہد کرنی پڑی رہی ہے .

واضح رہے کہ کہ نبی کریم علاقہ بلی ماران حلقہ اسمبلی میں آتا ہے ۔جہاں سے دہلی حکومت کے وزیر خوراک عمران حسین رکن اسمبلی ہیں۔ اس کے باوجود لوگوں کی شکایت ہے کہ نہ تو انہیں کیجریوال سے اور نہ ہی مقامی رہنما عمران حسین سے تا حال کوئی مدد مل پائی.

جب ای ٹی وی بھارت کے نمائندے نے بات کی تو لوگوں کا کہنا تھا کہ حکومت کی جانب سے مدد نہیں ملنے والی بات وہ پولیس تھانہ میں بھی کہ سکتے ہیں کہ بہار کے باشندوں کے ساتھ امتیازی سلوک برتی جا تی ہے ۔