دارالحکومت دہلی کی شاہی جامع مسجد کے دروازے آج ایک بار پھر عوام کے لیے کھول دیے گئے ہیں، حالانکہ حکومت کی جانب سے کوئی پابندی نہیں تھی لیکن حالات کا دیکھتے ہوئے شاہی امام نے 11 جون کو مسجد بند کرنے کا فیصلہ کیا تھا۔
گزشتہ 11 جون کو بعد نماز ظہر جامع مسجد کے شاہی امام سید احمد بخاری نے حالات کو دیکھتے ہوئے یہ فیصلہ کیا تھا کہ 4 جولائی تک مسجد عوام کے لئے بند کی جا رہی ہے۔
اسی دوران دہلی کے نائب وزیر اعلیٰ منیش سسودیا کی جانب سے بھی ایک بیان آیا تھا، جس میں 31 جولائی تک 5 لاکھ کورونا مریضوں کی تعداد کا اندازہ بتایا گیا تھا، جس کا ذکر کرتے ہوئے شاہی امام نے یہ فیصلہ کیا تھا۔
دارالحکومت دہلی کی شاہ جہانی جامع مسجد کے دروازے عوام کے لیے کھول دیے گئے ہیں، لیکن اس کے ساتھ۔ ساتھ ابھی نماز پڑھنے کے لئے کچھ پابندیاں عائد ہیں۔
جیسے جاء نماز اپنے ساتھ لانا، سینیٹائزر کا استعمال کرنا اور چہرے پر ماسک کا خاص خیال رکھنے کی شاہی امام کی جانب سے عوام سے اپیل کی ہے تاکہ مہلک وبا دیگر افراد کو مزید اپنا شکار نہ بنا سکے۔
