دہلی کے وزیر صحت ستیندر جین کی طبیعت خراب، ہسپتال میں داخل

عآم آدمی پارٹی کے رہنما اور قومی دارالحکومت دہلی کے وزیر صحت ستیندر جین کی طبیعت خراب ہوگئی ہے اور ان کو راجیو گاندھی ہسپتال میں داخل کرایا گیا ہے۔

دہلی میں کورونا کا قہر جاری ہے اور کورونا انفیکشن میں مسلسل اضافہ ہوتا جا رہا ہے۔

دہلی کے وزیر صحت ستیندر جین کی طبیعت ناساز ہوگئی ہے اور ان کو دہلی کے راجیو گاندھی سپر اسپشلٹی ہسپتال میں داخل کرایا گیا ہے۔

بتایا جا رہا ہے کہ ان کو بخار اور سانس لینے میں تکلیف ہو رہی ہے۔ طبیعت خراب ہونے کے بعد ان کا کورونا ٹیسٹ کیا گیا جس کی رپورٹ ابھی آنی باقی ہے۔