دہلی ہائیکورٹ نے جامعہ کے طالب علم شایان مجیب کی جانب سے 2 کروڑ روپئے معاوضہ ادا کرنے کا مطالبہ کرتے ہوئے داخل کی گئی درخوات کی سماعت کے بعد مرکزی حکومت، دہلی پولیس اور دہلی حکومت کو نوٹس جاری کیا۔
قبل ازیں شایان نے عدالت میں ایک درخواست داخل کرتے ہوئے 2 کروڑ روپئے معاوضہ کا مطالبہ کیا تھا جبکہ شایان کے مطابق پولیس کاروائی میں اس کے دونوں پیروں کی ہڈیاں ٹوٹ گئی تھیں اور اس نے اپنے علاج پر تقریباً ڈھائی لاکھ روپئے خرچ کئے ہیں۔
جامعہ ملیہ اسلامیہ یونیورسٹی میں گذشتہ سال 15 دسمبر کو پولیس کاروائی میں زخمی مجیب کا کہنا ہے کہ وہ لائبریری میں مطالعہ کر رہے تھے کہ پولیس نے انہیں شدید مارپیٹ کا نشانہ بنایا جبکہ ان کے دونوں پیروں کی ہڈیاں ٹوٹ گئی اور وہ شدید زخمی ہوگئے تھے۔
