قومی دارالحکومت دہلی سمیت ملک بھر میں نافذ لاک ڈاؤن کے دوران بھارت کی تمام ریاستوں میں پھنسے مزدوروں کی مدد کے لیے دہلی حکومت نے اپنا موقف واضح کیا ہے۔
خیال رہے کہ آج دہلی کی ترقی میں اپنی حصہ دار نبھانے والے مزدور جو دیگر ریاستوں سے دہلی میں آکر کام کررہے تھے، تاہم اسے ترقی کی راہ پر گامزن کرنے والے ان مزدوروں کے لیے تین ٹرینز پرانی دہلی سے بہار کے بھاگلپور، برونی اور دربھنگہ میں بھیجی گئی ہیں۔
جس میں دہلی حکومت کی جانب سے ریلوے سٹیشن جانے والے 2482 مزدوروں کو 100 بسز کے ذریعہ پرانی دہلی ریلوے سٹیشن تک پہنچایا گیا۔
دہلی میں پھنسے ہوئے ان مزدوروں کے لیے آج دہلی حکومت کی جانب سے تین مخصوص ٹرینز کے ذریعہ انہیں ان کے گھروں کی جانب روانہ کیا گیا۔
واضح رہے کہ اس دوران دہلی حکومت ہی ان کے سفر کا خرچ برداشت کرے گی، اور مزدوروں سے کسی بھی طرح کا کوئی کرایہ وصول نہیں کیا جائے گا۔
اس پر جانکاری دیتے ہوئے ریاستی وزیر گوپال رائے نے بتایا کہ آج سے دہلی حکومت نے ریاست میں پھنسے مزدوروں کو بھیجنے کا کام شروع کردیا ہے۔
انہوں نے کہا کہ آج تین ٹرینز کو دہلی سے بہار کے لیے روانہ کیا گیا ہے جس کا سارا خرچ دہلی سرکار ہی اٹھائے گی۔
