کیجریوال حکومت کی جانب سے دہلی میں بڑے پیمانے پر اربن فارمنگ Urban Farming کے بارے میں شعور بیدارکیا جائے گا۔ اس سمت دہلی میں ملک کے پہلے، اسمارٹ اربن فارمنگ ایکسپو Smart Urban Farming Expo کا انعقاد عمل میں آیا۔ کیجریوال حکومت کا منصوبہ ہے کہ دہلی کی ہر چھت اور بالکونی میں کھیتی کی جائے۔ خوراک کے معیار اور حفاظت کو یقینی بنانے کے لیے شہری کاشتکاری کو اپنانا وقت کی اہم ضرورت ہے۔ اس سے لوگوں کو زراعت سے جڑنے اور اس کا تجربہ کرنے کا موقع بھی ملے گا۔
اطلاعات کے مطابق اس سلسلہ میں آئندہ چند مہینوں کے دوران دہلی میں 400-500 ورکشاپ کا انعقاد کیا جائے گا، جہاں دلچسپی رکھنے والے افراد اور کسانوں کو ایک ہفتے کی ٹریننگ دی جائے گی۔ انہیں اربن فارمنگ سے متعلق ایجادات اور ٹیکنالوجی سے آگاہ کیا جائے گا۔ لندن، سنگاپور وغیرہ جیسے شہروں میں اربن فارمنگ ایک پھلتی پھولتی صنعت کے طور پر ابھر رہی ہے۔ کیوبا جیسے کچھ ممالک میں تقریباً 60 فیصد سبزیاں شہری اور اربن فارمنگ سے پیدا ہوتی ہیں۔
یہ بھی پڑھیں:
Smart Urban Farming Expo: منیش سیسودیا نے اسمارٹ اربن فارمنگ ایکسپو کا افتتاح کیا
دہلی حکومت کا خیال ہے کہ شہری کاشتکاری کے منصوبے اسمارٹ شہروں کے لیے شہری منصوبہ بندی کا ایک لازمی حصہ ہونا چاہیے۔ شہری کاشتکاری میں مخصوص حالات کے لیے بیج کی اقسام تیار کرنے کی ضرورت ہے۔ پوسا انسٹی ٹیوٹ عمودی کاشتکاری، ایروپونکس، ہائیڈروپونکس، محفوظ کاشت وغیرہ کے میدان میں بہتر ٹیکنالوجی بنانے کے لیے کام کر رہا ہے۔ کیجریوال حکومت شہری کسانوں کو ریسرچ سپورٹ کے ساتھ تربیت فراہم کرے گی۔
