'دہلی حکومت عوام کو گمراہ کررہی ہے'

کانگریس کا دعویٰ ہے کہ دہلی کی آلودہ ہوتی فضا سے نمٹنے کے لیے ہے موجودہ حکومت نے کوئی بھی موثر اقدامات نہیں کیے۔

قومی دارالحکومت دہلی میں ٹرانسپورٹ کے ذریعہ تقریباً 41 فیصد فضا میں آلودگی ہوتی ہے جسے کم کرنے کے لیے دہلی حکومت نے کچھ بھی نہیں کیا۔

آج دہلی ریاستی کانگریس کمیٹی کے دفتر میں ایک پریس کانفرنس منعقد کی گئی جس میں کیرتی آزاد نے دہلی حکومت پر شدید نکتہ چینی کرتے ہوئے الزام عائد کیا کہ وزیراعلیٰ اروند کیجریوال کی سرکار بدعنوانیوں والی حکومت ہے۔

انہوں نے کانفرنس کے دوران کہا کہ سنہ 2015 سے 2019 تک دہلی حکومت کی جانب سے ایک بھی ڈی ٹی سی بس نہیں خریدی گئی اور کلسٹر بسز کے لیے بھی جو شیلا دکشت حکومت کے دوران فیصلے لیے گئے تھے محض وہی پورے کیے گئے ہیں۔

کیرتی آزاد نے دہلی حکومت پر الزام لگاتے ہوئے کہا کہ وہ ڈھونگ کرنا بند کریں کیونکہ پرالی کانگریس کے دور حکومت بھی جلتی تھی، لیکن کیجریوال حکومت صرف اور صرف پرالی پر الزام لگا کر اپنے آپ کو محفوظ کرنا چاہتی ہے جو سراسر غلط ہے۔

انہوں نے کہا کہ دہلی حکومت نے ٹرانسپورٹ کے میدان میں گذشتہ چار برسوں میں کچھ بھی نیا نہیں کیا، اور جو سائیکل چلانے کے لیے ٹریک شیلا دکشت حکومت میں بنائے گئے تھے۔ اسے بھی توڑ کر اب کر ختم کردیا گیا ہے۔