نئی دہلی: دہلی کی ایک عدالت نے جہانگیر پوری تشدد کیس کو مزید سماعت کے لیے سیشن کورٹ کو سونپ دیا ہے۔ سیشن عدالت اس معاملے کی سماعت 22 اگست کو کرے گی۔ واضح رہے ر ہے کہ دہلی کے جہانگیر پوری علاقے میں 16 اپریل کو ہنومان جینتی کے موقع پر نکالے گئے جلوس کے دوران تشدد ہوا تھا۔2022 Jahangirpuri Violence
پولیس نے اس معاملے میں قانون کی متعلقہ دفعات کے تحت معاملہ درج کیا تھا۔ تحقیقات کے بعد پولس نے 14 جولائی کو اس معاملے میں 37 گرفتار لوگوں، آٹھ مفرور لوگوں اور دو نابالغوں کو نامزد ملزم بناتے ہوئے چارج شیٹ داخل کی تھی۔ پولیس نے چارج شیٹ کے ذریعے بتایا کہ ملزمان نے 16 اپریل کو ہنومان جینتی کے موقع پر 10 اپریل کو تشدد بھڑکانے کا منصوبہ بنایا تھا۔
چیف میٹروپولیٹن مجسٹریٹ دیپیکا سنگھ نے 28 جولائی کو چارج شیٹ کا نوٹس لیا تھا اور کیس کی فائل کو مزید سماعت کے لیے ڈسٹرکٹ اینڈ سیشن جج کو بھیجنے کا حکم دیا تھا۔
یو این آئی
