دہلی پردیش کانگریس کمیٹی کی سابق صدر مرحومہ تاجدار بابر کو ریاستی دفتر راجیو بھون میں خراج عقیدت پیش کیا گیا۔
تعزیتی نشست کی صدارت ریاستی کانگریس صدرچودھری انل کمار نے کی۔ اس دوران انھیں گلہائے عقیدت پیش کیا گیا۔اس موقع پر انل کمار نے کہا کہ تاجدار بابر کی حیثیت کانگریس پارٹی میں ایک پلر کی طرح تھیں،جنہوں نے کانگریس کی زندگی بھر خدمت کی۔
'ہم سبھی کانگریسیوں کو ان کی زندگی سے ترغیب ملتی ہے کہ چاہے کتنے بھی مشکل حالات ہی کیوں نہ ہوں، ہمیں اپنے ہدف اور مقصد کی تکمیل میں کبھی بھی ڈگمگانا نہیں چاہیے۔'
یہ بھی پڑھیں:پرینکا کی مقبولیت سے بی جے پی میں بوکھلاہٹ: پنکھڑی
دہلی انچارج اور راجیہ سبھا رکن شکتی سنگھ گوہل نے کہا کہ تاجدار بابر ہمیشہ گنگا جمنی تہذہب کی حامی رہی ہیں جنہوں نے سبھی مذاہب کے لوگوں کو جوڑ کر رکھا۔ انہوں نے کہا کہ جس طرح سے مرکزی حکومت آج بھارت کے ان داتا کسانوں پر ظلم کررہی ہے اورا ن پر کبھی پولیس سے لاٹھی چارج تو کبھی اپنے معاون لیڈروں سے کسانوں کو گاڑیوں سے کچلا جارہا ہے تو ایسیے میں اب عوام کا اعتماد بی جے پی کی مودی سرکار پر سے اٹھ گیا ہے۔
