پریس کانفرنس سے خطاب کرتے ہوئے اروند کیجریوال نے قومی دارالحکومت میں کورونا وائرس کے پھیلاؤ پر قابو پانے کے لئے پانچ نکاتی ایکشن پلان کا اعلان کیا ہے۔ پانچ ٹی میں جانچ ، ٹریسنگ، علاج، ٹیم ورک اور ٹریکنگ اور نگرانی شامل ہیں۔
ویڈیو لنک کے ذریعہ پریس کانفرنس سے خطاب کرتے ہوئے انہوں نے کہا کہ دہلی حکومت کے زیر انتظام لوک نائک جئے پرکاش نارائن ہسپتال ، جی بی پنت ہسپتال، راجیو گاندھی سپر اسپیشلائٹی ہسپتال کو کووڈ 19 ہسپتال قرار دیا گیا ہے۔
انہوں نے کہا کہ ' فی الحال، شہر کے ہسپتالوں میں 2950 بیڈز کورونا کے مریضوں کے لیے رکھے گئے ہیں۔ دہلی حکومت کورونا وائرس کے متعدد معاملات میں اضافے کے نتیجے میں 12000ہوٹل کمروں کا انتظام کرے گی ۔'
انہوں نے کہا کہ ' ہم تبلیغی جماعت کے اجتماع شرکت کرنے والے افراد کے فون نمبر پولیس کو فراہم کریں گے اور ان کا پتہ لگائیں کہ وہ قریبی علاقوں میں منتقل ہوئے ہیں یا نہیں۔'
نامہ نگاروں کو یہ بتاتے ہوئے کہ حکومت نے کورونا کے 30000 مثبت کیسز کے نمٹنے کے لیے انتظامات کیے ہیں، کیجریوال نے کہا کہ کوویڈ 19 کے مریضوں کے علاج کے لیے مزید 8000 بیڈز کی فراہمی کی جائے گی۔'
