دہلی: دہلی کیپٹلس کیمپ میں کورونا وائرس کا ایک اور معاملہ سامنے آنے کے بعد ٹیم کو دوبارہ الگ تھلگ ہونا پڑا ہے۔ اتوار کو انڈین ایکسپریس کی ایک رپورٹ کے مطابق ٹیم نے ایک اور باؤلر کے ساتھ ایک نیٹ باؤلر کو الگ تھلگ کرنے کے لیے بھیجا ہے جو اس سے قبل کورونا سے متاثر ہونے کے بعد اس کے ساتھ کمرہ شیئر کر رہا تھا۔ اس کے ساتھ ہی ٹیم انتظامیہ نے باقی کھلاڑیوں کو بھی اپنے اپنے کمروں میں رہنے کا مشورہ دیا ہے۔ Delhi Capitals Player Infected From Coronavirus
واضح رہے کہ آج کیپٹلس کو ممبئی کے ڈی وائی پاٹل اسٹیڈیم میں چنئی سپر کنگز کے خلاف سیزن کا اپنا 11 واں میچ کھیلنا ہے۔ دہلی اب تک کھیلے گئے 10 میں سے پانچ میچ جیت کر 10 پوائنٹس کے ساتھ پوائنٹس ٹیبل میں پانچویں نمبر پر ہے۔ذرائع کا کہنا ہے کہ اتوار کی صبح تمام کھلاڑیوں اور سپورٹ اسٹاف کا کورونا ٹیسٹ کیا گیا جس میں نیٹ باؤلر کے متاثر ہونے کے بعد تمام کو آئسولیشن میں بھیج دیا گیا۔ آئی پی ایل کے قوانین کے مطابق دہلی کے پورے کیمپ کا ایک بار پھر کورونا ٹیسٹ کیا جائے گا۔ پچھلے مہینے ٹیم کو دہلی کیپٹلز کے آل راؤنڈر مچل مارش، کیپر بلے باز ٹم سیفرٹ اور چار سپورٹ اسٹاف ممبران کے کورونا وائرس کے مثبت ٹیسٹ کے بعد بھی تنہائی میں جانا پڑا۔ بی سی سی آئی نے ابھی تک میچ ملتوی ہونے سے متعلق کوئی اطلاع نہیں دی ہے۔
یواین آئی
