سی آر پی ایف اہلکار نے سینیئر کو گولی مار کر خودکشی کرلی

دہلی میں سی آر پی ایف کے ایک سب انسپکٹر نے اپنے سینیئر کو گولی مار کر قتل کر دیا اور اس کے فوراً بعد ہی خود کو بھی گولی مار کر خودکشی کر لی۔

قومی دارالحکومت دہلی کے لودھی اسٹیٹ کے سرکاری بنگلے میں گزشتہ شب سی آر پی ایف کے ایک سب انسپکٹر کرنیل سنگھ نے اپنی ہی یونٹ کے انسپکٹر دشرتھ سنگھ کو گولی مار کر بعد میں خود کو بھی گولی مار لی جس کے بعد دونوں کی موقع پر ہی موت ہوگئی۔

بشکریہ ٹویٹر

حالانکہ واردات کی وجہ ابھی تک نہیں معلوم ہو سکی لیکن بتایا جا رہا ہے کہ ان دونوں میں جھگڑا ہوا اور بعد میں فائرنگ بھی ہوئی۔

واضح رہے کہ کرنیل سنگھ سی آر پی ایف کے 122 ویں بٹالین کے تھے۔