نوئیڈا: لوٹ کا منصوبہ تیار کرنے والا شاطر گروہ گرفتار

نوئیڈا میں جرائم پر قابو پانے کے لیے مختلف سیکٹرز میں جرائم پیشہ افراد کےخلاف خصوصی مہم جاری ہے اور ایسے افراد کے خلاف کاروائی تیز کی گئی ہے ۔

اسی ضمن میں تھانہ ایکسپریس وے کے تحت پولیس ٹیم نے یمنا کے نشیبی علاقے میں بند پڑے مکسچر پلانٹ سے لوٹ کی واردات کا منصوبہ بناتے ہوئے 6 شاطر لٹیروں کو گرفتار کیا ہے ۔

لٹیروں کے قبضے سے دس موبائل فونز، جو مختلف مقامات سے لوٹے گئے تھے، دو چاقو ،2 طمنچے اور چار زندہ کارتوس برآمد کیے گئے۔

پولیس کے مطابق شاطر لٹیرے پہلے بھی کئی جرائم میں ملوث رہے ہیں اور ان کے خلاف مختلف تھانوں میں لوٹ کے مقدمے درج ہیں ۔

ایکسپریس وے تھانہ پولیس نے ملزمین کے خلاف مقدمہ درج کر کے جیل بھیج دیا ۔