کرائم برانچ کا کہنا ہے کہ جو بھی شخص ان فسادیوں کی معلومات کرائم برانچ کو دے گا تو اس کی شناخت خفیہ رکھی جائے گی اور اسے انعام بھی دیا جائے گا۔
شمال مشرقی دہلی فسادات کے دوران چاند باغ علاقے میں آگزنی، فائرنگ اور پتھربازی کرنے والوں کی دہلی پولیس نے تصاویر جاری کی ہے، جن کی تلاش کرائم برانچ کر رہی ہے۔
کرائم برانچ کے افسران کا کہنا ہے کہ فسادیوں کی اطلاع دینے والوں کو مناسب انعام دیا جائے گا۔
- فسادیوں کی جانب سے کیا گیا حملہ
شمال مشرقی دہلی میں 24 فروری کو فسادات کے دوران یہ تمام 20 افراد شامل تھے، فساد کے دوران مشتعل افراد کے ایک ہجوم نے دہلی پولیس کے ہیڈ کانسٹیبل رتن لال کا قتل کر دیا تھا۔
افسران کا کہنا ہے کہ یہ تمام افراد بھی چاند باغ علاقے میں موجود تھے۔چاند باغ فساد کے دوران ہی شاہدرا کے ڈی سی پی امت شرما پر بھی جان لیوا حملہ ہوا تھا، ان کے ساتھ ہی دیالپور کے اے سی پی انوج کمار پر بھی حملہ کیا گیا تھا۔
- عوامی مقامات پر پوسٹر لگائے جائیں گے
کرائم برانچ سے وابستہ افسران نے بتایا کہ ان افراد کے پوسٹر جلد ہی دہلی کے عوامی مقامات پر لگائے جائیں گے۔تاکہ عوام بھی ان کو پہچان لیں، یہ تمام فرار ہیں، اور جو شخص ان افراد کی اطلاع کرائم برانچ کو دیتا ہے، اس کی پہچان خفیہ رکھی جائے گی، اور اسے مناسب انعام بھی دیا جائے گا۔
