کیجریوال نے آج ویڈیو کانفرنسنگ کے ذریعے میڈیا سے خطاب کرتے ہوئے یہ بات کہی۔
انہوں نے کہا کہ دہلی میں زیادہ کورونا کے معاملے آنے کی بڑی وجہ جانچ میں اضافہ ہے۔
انہوں نے کہا، 'اگر ہم جانچ کم کر دیتے تو معاملات کم ہوجاتے، لیکن ہم اعداد و شمار سے پریشان نہیں ہیں۔ ہم نے جانچ میں اضافہ کرکے کورونا پر حملہ کردیا ہے۔
دہلی میں کل 68 دن کے بعد 2914 معاملے سامنے آئے تھے۔'
وزیراعلیٰ نے کہا کہ، 'ان کی حکومت کی کوشش ہے کہ کورونا کی وجہ سے اموات نہیں ہونی چاہیے۔ گذشتہ روز مرنے والوں کی تعداد 13 رہ گئی جو کل معاملات کا 0.4 فیصد ہے۔ یہ ملک میں سب سے کم ہے۔'
مزید پڑھیں:
بھارت میں ایک دن میں کورونا کے قریب ایک لاکھ نئے کیسز
انہوں نے کہا کہ، 'ملک بھر سے لوگ اپنے علاج کے لئے دہلی آرہے ہیں۔ یہ دہلی کے لئے بڑے فخر کی بات ہے کہ ہمارا صحت کا نظام اتنا اچھا ہوگیا ہے کہ ملک بھر کے لوگ ہمارے صحت کے نظام پر اعتماد کا اظہار کر رہے ہیں۔'
