دہلی میں گتے کی فیکٹری میں بھیانک آگ

بوانا انڈسٹریل ایریا میں واقع ایک گتے کی فیکٹری میں آج صبح آگ لگ گئی، آگ کو قابو کرنے کے لیے فائربریگیڈ کے عملوں کوسخت مشقتوں کا سامنا کرنا پڑا ۔

دارالحکومت کے بوانا صنعتی علاقے میں واقع ایک گتے کی فیکٹری میں آج صبح اچانک آگ لگ گئی۔آگ کی شعلے کی وجہ سے علاقے میں ا فراتفری مچ گئی، آگ بجھانے کے لئے موقع پر پہنچی فائر بریگیڈ کی 14 گاڑياں موقع پر پہنچی اور سخت مشقت کے بعد آگ پر قابو پایا۔

اس آتشزدگی میں کسی جانی نقصان کی اطلاع نہیں ہے۔

بتا دیں کہ گتے فیکٹری میں آگ تقریباً 7.55 بجے لگی ۔ جس کے بعد موقع پر پہنچی فائر بریگیڈ کی گاڑیوں نے آگ پر قابو پایا۔ تاہم ابھی تک اس آگ کی وجہ معلوم نہیں ہوسکی ہے۔