دہلی کے نزدیک سنگھو بارڈر پر زرعی قوانین کے خلاف احتجاج کر رہے کسانوں نے اتوار کو حمایت دینے پہنچے کانگریس کے رکن پارلیمان رونیت سنگھ بٹو کے ساتھ ہاتھا پائی کی اور انہیں وہاں سے بھگا دیا۔ اس دوران کسانوں نے بٹو کی کار کو بھی نقصان پہنچایا۔
دراصل وہ یہاں سنگھو بارڈر پر واقع گرو تیغ بہادر کمپلیکس میں کسانوں کی تحریک میں حصہ لینے پہنچے تھے۔ یہاں آتے ہی انہیں کسانوں کی مخالفت کا سامنا کرنا پڑا۔
کسانوں کا کہنا تھا کہ یہاں سیاسی لوگوں کے لئے کوئی پلیٹ فارم نہیں ہے اور انہیں اپنی سیاست کہیں اور کرنی چاہئے۔
اس سلسلے میں دونوں فریقوں کے مابین تنازعہ ہوگیا تو کسانوں نے ان سے ہاتھا پائی شروع کردی۔ بتایا جا رہا ہے کہ رکن پارلیمنٹ کی جانب سے بھی دھکا مکی کی گئی۔ اس ہنگامے کے بیچ ایم پی کی پگڑی بھی اتر گئی۔
یہ بھی پڑھیں: ' جموں و کشمیر میں عسکریت پسندی کا دور ختم '
کسانوں کا کہنا تھا کہ اب سیاسی لوگوں کی بھی یہی حالت ہوگی۔ کسان انہیں سیاست کے لئے اپنا پلیٹ فارم استعمال کرنے کی اجازت نہیں دیں گے۔
