نئی دہلی: کانگریس نے الزام لگایا ہے کہ سنسد ٹی وی نے کانگریس لیڈر راہل گاندھی کو لوک سبھا میں تحریک عدم اعتماد پر اپنی تقریر کے دوران صرف چار منٹ منی پور کے بارے میں بولتے ہوئے دکھایا گیاہے، جب کہ انہوں نے اس معاملے پر تقریباً 16 منٹ تک اپنی بات رکھی۔ کانگریس نے اسے حکومت کا خوف اور آمریت قرار دیا اور کہا کہ ”آمریت کتنا ڈرپوک ہے..سمجھئے۔ راہل گاندھی نے ایوان میں منی پور پر 15 منٹ 42 سیکنڈ تک بات کی۔ اس دوران اسپیکر اوم برلا کو سنسد ٹی وی پر 11 منٹ 8 سیکنڈ تک دکھایا گیا۔ راہل گاندھی کو صرف چار منٹ کے لیے دکھایا گیا۔“
پارٹی نے کہا، ”نریندر مودی جی ہندوستان کی آواز نہیں سنتے، بلکہ ’انکی‘آوازسنتے ہیں۔ یہ کہہ کر راہل جی نے ایوان میں ایک تصویر دکھائی، لیکن پھر سنسد ٹی وی کا کیمرہ اسپیکر اوم برلا جی پرٹکا رہا۔ پورا ملک جانتا ہے کہ ایسا کیوں ہوا - ’دوستی قائم رہے۔ کانگریس کے رکن پارلیمنٹ ششی تھرور نے مسٹر گاندھی کی تقریر پر کہا، ”لوک سبھا میں راہل گاندھی کی تحریک عدم اعتماد کی حمایت میں تقریر زبردست تھی۔ راہل گاندھی کی تقریر کے بارے میں اسمرتی ایرانی نے ایوان میں جو کچھ کہا وہ پوری طرح سے ماضی کی باتوں پر مرکوز تھا۔
کانگریس کے دور حکومت میں کئی دہائیوں سے ہونے والے واقعات اور مظالم کے سلسلے کا حوالہ دیتے ہوئے، انہوں نے دعویٰ کیا کہ کانگریس کے دور حکومت میں بھی حالات اتنے ہی خراب تھے۔ان کی تقریر کی یہ منطق حکومت کی ناکامیوں کے حوالے سے اپوزیشن کے الزامات کی بالواسطہ تائید کرتی ہے۔ جب وہ کہہ رہی ہے ’تو کیا ہوا‘تم بھی اچھے نہیں تھے۔ اپنی بات کو اس طرح کا سہارا لینا ہمیشہ ایک اعتراف ہے کہ آپ کے پاس کوئی ٹھوس جواب نہیں ہے، اسمرتی جی!
یو این آئی
