فضائیہ کے سربراہ ایئر چیف مارشل آر کے ایس بھدوریا فرانس کے پانچ روزہ دورے پر روانہ ہوگئے ہیں۔
چیف آف ایئر اسٹاف کے دورے کا مقصد دونوں فضائیہ کے مابین تعاون کو مزید فروغ دینا ہے۔ وزیر اعظم نریندر مودی کے اگلے ماہ فرانس کے دورے سے قبل ہونے والے اس دورے کو کافی اہم سمجھا جا رہا ہے۔
فضائیہ کے سربراہ تیئس اپریل تک کے اپنے دورے کے دوران ایئر چیف مارشل فرانس کی سینئر فوجی قیادت کے ساتھ میٹنگیں اور تبادلہ خیال کریں گے۔ وہ کچھ ائیربیس اور آپریٹنگ مراکز کا بھی دورہ کریں گے۔
ان کے دورے سے قبل فروری میں فرانسیسی فضائیہ کے سربراہ جنرل فلپ لیونے بھارت کے دورے پر آئے تھے۔
حالیہ دنوں میں دونوں فضائی افواج کے مابین آپریٹنگ کے شعبوں میں تعاون میں اضافہ ہوا ہے اور وہ مشترکہ فضائی مشقوں کی سیریز ’گروڑ‘ میں حصہ لے رہے ہیں۔ چیف آف ایئر اسٹاف کا یہ دورہ باہمی تعاون کو فروغ دینے کے لیے اہم ثابت ہوگا۔
