کامرس و صنعت اور ریلویز کے مرکزی وزیر پیوش گوئل نے کہا کہ چیمپیئن خدمات کے 12 شعبوں کو فروغ دینے کے لیے 'برانڈ انڈیا' تیار کیا جائے گا۔
مرکزی وزیر پیوش گوئل نے کہا کہ 'کامرس اور صنعت کی وزارت ریاستوں کی شراکت داری میں خدمات کی صنعت میں مختلف شعبوں کو مدد فراہم کرائے گی اور ان چیمپئن شعبوں کو پھلنے پھولنے اور وسعت پانے کے قابل بنانے کے لیے پالیسیاں تیارکرے گی'۔
پانچ ٹریلین امریکی ڈالر کی معیشت کے لیے بھارت پوری طرح تیار ہے، جس کے لیے خدماتی شعبے میں تین ٹریلین امریکی ڈالر کا تعاون کرے گا۔
کامرس اور صنعت کے وزیر نئی دہلی میں خدمات کی پانچویں عالمی نمائش (جی ای ایس) کے تعارفی تقریب سے خطاب کررہے تھے۔
واضح رہے کہ جی ای ایس 2019 کا انعقاد 28-26 نومبر 2019 تک بنگلورو میں کیا جائے گا۔
بنگلورو میں جی ای ایس 2019 کی میزبانی پر مرکزی وزیر پیوش گوئل خوشی کا اظہار کیا کیونکہ یہ شہر روایت اور جدیدیت کا بہترین امتزاج ہیں۔
انہوں نے جی ای ایس 2019 میں ایک شراکت دار ریاست کے طو رپر اترپردیش کو بھی حصہ دار بنایا ہے۔
بھارتی سروس سیکٹر کی اقسام:
ایک تحقیق کے مطابق بھارت میں تیرہ مختلف اقسام کے سروسز سیکٹرز ہیں۔ جو کہ ذیل میں درج کیے جارہے ہیں: -
| سلسلہ وار نمبر | سروس سیکٹر |
| 1 | تجارت (اسٹارٹ اپز) |
| 2 | سیاحت، بشمول ہوٹلوں اور ریستوران |
| 3 | خریداری (شاپنگ) |
| 4 | بندرگاہ کی خدمات |
| 5 | ذخیرہ اندوزی (اسٹوریج سروسز) |
| 6 | ٹیلی کام اور اس سے متعلقہ خدمات |
| 7 | ریل اسٹیٹ سروسز |
| 8 | آئی ٹی سروسز |
| 9 | اکاؤنٹنگ اینڈ آڈیٹنگ سروسز |
| 10 | ریسرچ اینڈ ڈویلپمنٹ سروسز (آر اینڈ ڈی) |
| 11 | قانونی خدمات |
| 12 | تعمیرات |
| 13 | کنسلٹینسیز (مشاورت سے وابستہ کمپنیاں) |
پیوئش گوئل نے منظم طریقے سے خدمات کے شعبے کو فروغ دینے میں سروسیز ایکسپورٹس پرموشن کونسل (ایس ای پی سی) اور کنفیڈریشن آف انڈین انڈسٹری (سی آئی آئی) کے ذریعہ کی جانے والی کوششوں کی تعریف کی۔
کامرس و صنعت اور ریلویز کے مرکزی وزیر پیوش گوئل نے کہا کہ 'سیاحت، صحت دیکھ ریکھ اور تعلیم جیسے شعبے سرمایہ کاروں کو راغب کریں گے اور روزگار کے مواقع پیدا کریں گے صنعت کاری کو فروغ دیں گے اور غیر ملکی زر مبادلہ حاصل کریں گے'۔
وزیر موصوف نے کہا کہ خدمات کے شعبے کے زبردست امکانات سے ابھی فائدہ اٹھایا جانا ہے اس شعبے میں بڑی تعداد میں روزگار کے مواقع پیدا کرنے اور شہریوں کا معیار زندگی بہتر بنانے اور بھارتی معیشت میں تعاون کرنے کی صلاحیت ہے۔
مزید پڑھیں : 'بھارت ' آر سی ای پی' معاہدہ میں شامل نہیں ہوگا’
کامرس اور صنعت کے وزیرنے ایس ای پی سی اور سی آئی آئی سے کہا کہ 'وہ آئی ٹی اور آئی ٹی ایس کے علاوہ سیاحت، قانونی خدمات مالیاتی اور اکاؤنٹنگ خدمات پر توجہ مرکوز کریں تاکہ گھریلو صارفین اور بیرونی ممالک سے بھارت آنے والے والوں کو خدمات کا ایسا گلدستہ پیش کیا جاسکے جس میں تمام پہلوؤں ہوں'۔
پیوئش گوئل نے ای اسپورٹس یا الیکٹرانک اسپورٹس کمپٹیشنن میں نیشز کپ کی ٹرافی کی نقاب کشائی کی۔
ای اسپورٹس کے ذریعے خصوصی طور پر پروفیشنل کے درمیان ویڈیو گیمز مسابقتوں کا اہتمام کیا جاتا ہے۔
