خدمت عوام یووا سمیتی نے خون عطیہ کیمپ منعقد کر کے ضرورتمندوں کی مدد کی کوشش کی۔ لاک ڈاؤن اور کورونا دور میں بھی یہ تنظیم مدد کرنے کی غرض سے پیش پیش ہے۔
خدمت عوام سمیتی کے صدر مارٹن فیصل نے بتایا کہ گزشتہ 4 برسوں سے خدمت عوام کے کارکنان پورے ملک میں مسلسل خون کا عطیہ دے رہے ہیں۔ اس مثبت اور مشترکہ کوشش کے لیے انہوں نے خدمت کارکن، خصوصاً کمیٹی کے سکریٹری محمد احمد کی بھی تعریف کی جن کی کوششوں سے تقریباً 100 افراد نے خون کا عطیہ کیا۔
انہوں نے کہا کہ لونی علاقے کے تمام لوگ، عوامی نمائندے، سماجی کارکن نے اس میں بڑھ چڑھ کرحصہ لیا۔
خدمت عوام کے جنرل سکریٹری نوشاد سیفی نے کہا کہ ہم ہمیشہ ضرورت مندوں کی مدد کرنے کی کوشش کرتے ہیں۔ لوگ ہمارے کام کی حوصلہ افزائی بھی کرتے ہیں۔
اس موقع پر کمیٹی کے چیئرمین مارٹن فیصل، جنرل سکریٹری نوشاد سیفی، سکریٹری محمد احمد، خزانچی جان محمد، ذمہ دار کمیٹی رنکو انصاری، سلمان ملک، منور رانا، حسن رضا، حاجی محمد علی، علی خان سمیت درجنوں کارکنان نے شرکت کی۔
