دارالحکومت دہلی میں واقع اسرائیلی سفارت خانے کے قریب بم دھماکہ کا جو واقعہ پیش آیا تھا، اس کے سبب دھماکوں کے بعد دہلی اور اس کے مضافاتی علاقوں سمیت اطراف و اکناف میں حفاظت کے انتطامات سخت کر دیے گئے ہیں۔
دہلی میں دھماکہ، نوئیڈا میں سیکورٹی سخت
پولیس خصوصی طور پر نوئیڈا کے ہر بارڈر، مالس، پاش ایریا اور سڑکوں پر چیکنگ کر رہی ہے۔ اینٹی بم اسکواڈ، مقامی پولیس اور ایل آئی یو کی ٹیم مالس اور بارڈر پر احتیاط کے ساتھ چیکنگ کررہی ہے۔
واضح رہے کہ نوئیڈا سے دہلی میں داخل ہونے کے کئی راستے ہیں۔ ان راستوں پر چیکنگ کی جارہی ہے۔ چیلا، ڈی این ڈی، کالندی کنج اور دہلی۔کونڈلی روٹ کی سرحدوں پر بھی چیکنگ کی جارہی ہے۔ بہت سی جگہوں پر تمام گاڑیوں اور پیدل چلنے والے مشتبہ افراد کی سرحد کو سیل کرتے ہوئے تفتیش کی جارہی ہے۔
