اس فہرست میں جینت سنہا اور انوراگ ٹھاکر سمیت 46 امیدواروں کے نام شامل ہیں۔
اس فہرست کے مطابق جینت سنہا کو ہزاری باغ سے ٹکٹ دیا گیا ہے جبکہ انوراگ ٹھاکر ہمیر پور سے انتخاب لڑیں گے۔
شریپاد نائک کو شمالی گوا سے، نریندر سنگھ تومر کو مرینا، جناردن مشرا کو ریوا اور راکیش سنگھ تومر کو جبلپور سے ٹکٹ دیا گیا ہے۔
مرینا سے انوپ مشرا کا ٹکٹ کاٹ کر نریندر سنگھ تومر کو ٹکٹ دیا گیا ہے۔
واضح رہے کہ بی جے پی اب تک 286 سیٹوں کا اعلان کر چکی ہے۔
بی جے پی کی اس فہرست میں مدھیہ پردیش، گوا، جھارکھنڈ، گجرات اور ہماچل پردیش کے امیدواروں کے نام شامل ہیں۔
اس فہرست میں جبلپور سے پردیش کے صدر راکیش سنہا کو اور دموہ سے پرہلاد پٹیل کو پھر سے ٹکٹ دیا گیا ہے۔ یعنی مدھیہ پردیش کے بیشتر امیدواروں پر پارٹی نے بھروسہ کیا ہے۔
قبل ازیں بی جے پی نے 11 امیدواروں کی ایک فہرست جاری کی تھی۔ اس میں تلنگانہ کی 6، اترپردیش کی 3، مغربی بنگال اور کیرالا کی ایک ایک سیٹ پر امیدوار طے کیے تھے۔
