ذرائع کے مطابق لواسا کو فلپائن میں واقع ایشین ڈویلپمنٹ بینک (اے ڈی بی) کا نئب صدر منتخب کیا گیا ہے، وہ ستمبر میں اپنا عہدہ سنبھالیں گے۔
مرکزی وزارت خزانہ کے سکریٹری کے عہدے سے سبکدوشی کے بعد اشوک لواسا کو 23 جنوری 2018 کو الیکشن کمشنر مقرر کیا گیا تھا۔
اس سے قبل 15 جولائی کو لواسا کو ایشین ڈویلپمنٹ بینک (اے ڈی بی) میں مقرر کیا گیا تھا۔ لواسا، دیواکر گپتا کی جگہ لیں گے جن کی میعاد 31 اگست کو ختم ہوگی۔
اے ڈی بی کے ایک بیان میں کہا گیا ہے کہ لواسا جن کی میعاد اکتوبر 2022 میں ختم ہونی والی تھی، کا بھارتی سول سروس میں طویل اور نمایاں کیریئر رہا ہے۔ ہم ان کے تجربات کا فائدہ اٹھائیں گے۔
لواسا اس سے قبل متعدد اعلی عہدوں پر فائز رہ چکے ہیں ، جن میں وزارت خزانہ کے سکریٹری، وزارت برائے تبدیلی ماحولیات کے سکریٹری، اور شہری ہوا بازی کے سکریٹری شامل ہیں۔
