حیدرآباد کے رکن پارلیمنٹ اسد الدین اویسی نے راشٹریہ سیوم سیوک سنگھ (آرایس ایس) کے سربراہ موہن بھاگوت کے اس تبصرہ پر ٹویٹ کیا ہے، جس میں انہوں نےکہا تھا کہ 'بھارت ہندو راشٹرہے'۔
اسد الدین اویسی نےکہا کہ 'بھاگوت بھارت کو 'ہندو' نام دے کر میری تاریخ نہیں مٹا سکتے۔ یہ کام نہیں کرے گا۔ وہ اس بات پر زور نہیں دے سکتے ہیں کہ ہماری تہذیب، عقائد، علاقہ اور ذاتی شناخت سبھی ہندو مذہب سے منسلک ہیں'۔ 'بھارت نہ کبھی ہندو راشٹر تھا، نہ ہے اور نہ کبھی بنے گا انشاء اللہ'۔
واضح رہے کہ منگل کو آر ایس ایس سربراہ نےکہا کہ 'آر ایس ایس اپنےاس نظریے پر قائم ہے کہ 'بھارت ایک ہندو راشٹر' ہے۔ ناگپورکے ریشمی باغ میں آر ایس ایس کے وجے دشمی اتسوکے دوران اپنے خطاب میں آر ایس ایس سربراہ موہن بھاگوت نےکہا کہ 'قوم کی شان کے لئےکام کر رہے سبھی بھارتی 'ہندو' ہیں'۔
