مسافروں کو لوٹنے والے لٹیرے گرفتار

نوئیڈا:مسافروں کو کار میں بیٹھا کر ان سے لوٹ پاٹ اور چوری کرنے والے گروہ کے دو چوروں کو پولیس نے گرفتار کیا ہے۔

تھانہ دادری پولیس نے مسافروں سے پیسہ اور زیورات چوری کرنے کے الزام میں دو چوروں ارجن اور راجندر کو گرفتار کیا ہے .جو مسافروں کو لفٹ دے کر اپنی کار میں بیٹھاتے تھے اور خاموشی سے ان کے پیسہ اور زیورات چوری کر لیتے تھے ۔

بقول پولیس کبھی کبھی زبردستی بھی لوٹ پاٹ کرتے تھے۔پولیس نے ملزمین کو بابا کا ڈھابا قصبہ دادری نوئیڈا گوتم بدھ سے گرفتار کیا ہے۔

پولیس نے ان کے قبضہ سےایک ایکو کار چوری کئے گئے 10 ہزار 500 روپے،ایک پین کارڈ،ایک آدھار کارڈ، غیر قانونی اسلحہ طمنچہ،اور ایک کارتوس برآمد کیا ہے ۔
ملزمین ارجن نٹ ولد لیلے رہائشی گاؤں پولیس تھانہ جارچہ گوتم بدھ نگر اور راجندر نٹ ولد جگدیش رہائشی گوہرہ تھانہ بابو گڑھ چھاونی، ہاپوڑ سے تعلق رکھتے ہے۔