قومی دارالحکومت دہلی سے متصل صنعتی شہر نوئیڈا میں پولیس نے سورج پور تھانہ علاقہ کے سیکٹر 144 پولیس چوکی کے قریب ایک انکاؤنٹر میں لینڈ مافیا کے پیر میں گولی مار کر اسے گرفتار کرلیا ہے۔
فی الحال پولیس نے اسے علاج کے لیے ضلع ہسپتال میں داخل کرایا ہے، جہاں اس کا علاج جاری ہے۔
خیال رہے کہ ضلع مجسٹریٹ نے اسے لینڈ مافیا قرار دے دیا تھا، جس کی شناخت کوویندر بھاٹی کے نام سے ہوئی ہے، جس پر پولیس نے 15 ہزار کے انعام کا اعلان کیا تھا۔
پولیس نے ملزم سے ایک سوفٹ ڈیزائر کار اور غیر قانونی کارتوس برآمد کیا ہے۔
پولیس کے مطابق بدمعاش کو بیٹا 2 تھانے کا مفرور ملزم قرار دیا گیا تھا اور وہ تقریباً دو برس سے فرار تھا۔
بدمعاش لینڈ مافیا ہونے کے علاوہ سورجپور کوتوالی کے ٹاپ ٹین مجرموں میں سے بھی ایک ہے۔
تھانہ کی پولیس ان پٹ کی بنیاد پر سیکٹر 144 چوکی کے قریب چیکنگ کررہی تھی، تبھی پولیس نے ایک مشتبہ شخص کی سوفٹ کار دیکھ کر رکنے کا اشارہ کیا۔
اس دوران کار میں بیٹھے نوجوان نے پولیس ٹیم پر فائرنگ شروع کردی، اور پولیس کی جوابی فائرنگ میں اس کی ٹانگ میں گولی لگی اور اسے گرفتار کرلیا گیا۔
