پیر کے روز رائے پور کے سینئر سپرنٹنڈنٹ پولیس عارف شیخ نے بتایا کہ ضلع کے سول لائنس پولیس اسٹیشن کی پولیس نے یوتھ کانگریس کے ریاستی صدر پورنچندر پاڑھی کی شکایت پر سمبیت پترا کے خلاف مقدمہ درج کر لیا گیا ہے۔ معاملے کی تحقیقات کی جارہی ہیں۔
پولیس کے مطابق پاڑھی نے پولیس میں 10 مئی کو شکایت کی تھی کہ پاترا نے دو سابق وزرائے اعظم پنڈت جواہر لال نہرو اور راجیو گاندھی پر مسئلہ کشمیر اور 1984 کے سکھ مخالف فسادات اور بوفورس گھوٹالے کو لیکر جھوٹا الزام لگایا تھا۔
پولیس کو دی گئی شکایت میں پاڑھی نے کہا ہے کہ دونوں سابق وزرائے اعظم کو کسی بدعنوانی اور فسادات سے متعلق معاملے میں سزا نہیں سنائی گئی ہے۔
جب ملک کووڈ 19 جیسے چیلینجز کا مقابلہ کر رہا ہے، تو اس طرح کی ٹویٹ نہ صرف مختلف مذہبی گروہوں، برادریوں کے مابین ہم آہنگی کے لئے نقصان دہ ہے بلکہ اس سے امن کو خراب کرنے کا بھی امکان ہے۔
وہیں ریاست میں بی جے پی کے ترجمان سنجے شریواستو نے کہا ہے کہ حکمراں جماعت مخالف پارٹی کے رہنماؤں کے خلاف مقدمات درج کرنے کے اختیارات کا غلط استعمال کررہی ہے۔
