مرکزی وزیر داخلہ امت شاہ کو آج صبح دہلی کے ایمس سے فارغ کر دیا گیا۔
بی جے پی کے 55 سالہ رہنما امت شاہ کو کورونا وائرس سے متاثر پایا گیا تھا جس نے بھارت میں اب تک 35 لاکھ سے زیادہ افراد کو متاثر کیا ہے۔
ہفتے کے روز اسپتال نے بتایا کہ امت شاہ صحتیاب ہو چکے ہیں۔ ایمس نے ایک بیان میں کہا تھا کہ 'مرکزی وزیر داخلہ امت شاہ کووڈ 19 سے صحتیاب ہونے کے بعد دیکھ بھال کے لئے ایمس نئی دہلی میں داخل ہیں۔ وہ صحتیاب ہوچکے ہیں اور انہیں جلد ہی سے فارغ کر دیا جائے گا۔' '
یہ بھی پڑھیں
امت شاہ کی طبیعت میں بہتری
انہیں آج صبح سات بجے ایمس سے فارغ کیا گیا۔ انہیں 'تھکاوٹ اور جسمانی تکلیف' کی شکایت کے بعد دہلی کے اسپتال میں داخل کیا گیا تھا۔
اس ماہ کے شروع میں کورونا وائرس کے لئے مثبت جانچ پڑتال کے بعد انہیں گڑگاؤں کے نجی اسپتال میدانتا میں لے جایا گیا۔ 14 اگست کو انہوں نے ٹویٹ کیا تھا کہ وہ اپنے ڈاکٹروں کے مشورے پر کچھ اور دن کے لئے گھر سے الگ تھلگ رہیں گے۔
آج صبح سویرے انہوں نے ٹویٹر کے ذریعے ملک کے عوام کو اونم پر مبارکباد پیش کی۔
واضح رہے کہ گزشتہ چند ہفتوں میں وزرائے اعلیٰ اور مرکزی وزراء سمیت متعدد اعلی سیاسی رہنماؤں کو اس وائرس سے متاثر پایا گیا۔ ہریانہ کے وزیر اعلی ایم ایل کھٹر، مدھیہ پردیش کے وزیر اعلی شیوراج سنگھ چوہان، سابق صدر پرنب مکھرجی، گزشتہ دو ماہ میں کووڈ 19 متاثرین میں شامل ہیں۔
اس کے ساتھ ہی اتوار کے روز بھارت میں 78،761 کورونا کیسز سامنے آئے ہیں جس نے نیا عالمی ریکارڈ قائم کیا اور اس طرح ملک میں اب تک متاثرین کی تعداد 35 لاکھ ہوگئی۔بھارت میں اب تک64000 سے زیادہ افراد کووڈ کی وجہ سے فوت ہوچکے ہیں۔
