دہلی وقف بورڈ کے ایم ایل اے زمرے میں امانت اللہ خان کا انتخاب

دارالحکومت دہلی میں اسمبلی انتخابات کے بعد سے ہی دہلی وقف بورڈ میں چیئرمین کا عہدہ خالی تھا، جسے پُر کرنے کے لیے رکن اسمبلی زمرہ سے مسلم امیدوار کا انتخاب آج ہو گیا ہے۔

دہلی وقف بورڈ کے ایم ایل اے زمرے میں امانت اللہ خان کا انتخاب کیا گیا ہے۔ اب بورڈ کے چیئرمین کا انتخاب آئندہ 7 دنوں میں کیا جانا ہے۔

غور طلب ہے کہ فروری میں ہوئے دہلی اسمبلی انتخابات کی نوٹیفیکیشن جاری ہوتے ہی بورڈ میں ایم ایل اے زمرے کی رکنیت معطل کر دی جاتی ہے، جس کے لیے پھر سے نئے رکن اسمبلی کا انتخاب کیا جاتا ہے۔

لیکن اس پروسیس میں محکمہ ریونیو کی جانب سے شروع ہونے میں 5 ماہ کا وقت گزر گیا، تاہم آخر کار محکمہ ریونیو کی جانب سے انتخاب کی تاریخ کا اعلان کیا گیا۔

حالانکہ محکمہ ریونیو کی جانب سے 25 اگست کو نتائج کا اعلان کیا جانا تھا، جس پر محمد طفیل نامی ایک شخص کی جانب سے عدالت میں انتخاب کو روکنے کے لیے دہلی ہائی کورٹ میں اپیل دائر کی تھی، جس کی وجہ سے نتائج کا اعلان نہیں کیا گیا۔

تاہم آج نتائج امانت اللہ کو دہلی وقف بورڈ کے رکن اسمبلی زمرہ میں منتخب کیے جانے پر علی پور میں واقع ڈی ایم آفس میں سند دی گئی ہے، اب آئندہ 7 دنوں میں چیئرمین کا انتخاب کیا جانا باقی ہے۔

واضح رہے کہ دہلی وقف بورڈ کے لیے اسمبلی زمرے میں امانت اللہ خان نے ہی پرچہ نامزدگی داخل کیا تھا، کیونکہ دیگر تمام رکن اسمبلی ایک ہی پارٹی سے تھے اس لیے کوئی دوسرا رکن اسمبلی مد مقابل نہیں آیا۔