بھارت میں کورونا وائرس کی وجہ سے جاری لاک ڈاون کے دوران اسکول بند ہیں اور تعلیم نہیں ہو پا رہی ہے۔ اسی کے مد نظر دہلی حکومت نے بڑا فیصلہ لیا ہے کہ نرسری سے 8 ویں تک کے طلبہ و طالبات کو ترقی دی جائے گی اور انہیں فیل نہیں کیا جائے گا۔ جبکہ درجہ نویں سے 12 ویں کلاس تک کے بچوں کو ترقی دی جائے گی یا نہیں اس کا فیصلہ سی بی ایس ای سے مشاورت کے بعد کیا جائے گا۔
دہلی میں نرسری سے درجہ آٹھویں تک کے طلبا کو ترقی دی جائے گی
دہلی حکومت کا یہ فیصلہ لازمی حق تعلیم قانون کے نو ڈیٹینشن پالیسی کے تحت لیا گیا ہے۔ جس کے مطابق نرسری سے 8 ویں کلاس تک پروموشن کی تجویز شامل ہے۔
دریں اثنا اسکولی طلبا و طالبات کے نصاب تعلیم کو جاری رکھنے کے لیے آن لائن اور ایس ایم ایس خدمات کا استعمال کیا جائے گا۔
