سینٹرل پولوشن کنٹرول بورڈ(سی پی سی بی) کے مطابق دہلی کے مختلف علاقوں میں صبح دس بجے ایئر کوالیٹی انڈیکس 400 سے زیادہ درج کیا گیا۔ دہلی کے آنند وہار میں 429، آئی ٹی او میں 406، علی پور میں 422، منڈکا میں 405 درج کیا گیا۔
قومی دارالحکومت دہلی سے متصل شہروں گروگرام، غازی آباد، نوئیڈا اور فرید آباد سے ملحق شہروں میں بھی ہوا کا بہت کم معیار ریکارڈ کیا گیا۔
سرکاری اداروں نے جمعہ کو دارالحکومت میں پٹاخے پھوڑنے اور فروخت کے خلاف مہم چلائی گئی تھی۔ اس دوران ایجنسیوں نے جرمانے بھی لگائے اور پٹاخے ضبط کر لیے۔ ایجنسیاں آج بھی اپنی مہم پر جاری رکھے گی اور اگلے احکامات تک پٹاخوں کے استعمال اور فروخت پر پابندی ہوگی۔
سی پی سی بی کی ٹیمیں بھی آلودگی پر نظر رکھے ہوئے ہے اور آلودگی کنٹرول کے اقدامات پر عمل کی سمت میں کام کررہی ہے۔
دہلی میں آج صبح کم از کم درجہ حرات 9.7 ڈگری سیلسیس اور نمی کی سطح 93 فیصد درج کی گئی۔ صبح کے وقت دہلی میں دھند چھائی رہی جس سے حالات اور خراب ہوگئے۔
محکمہ موسمیات کے مطابق اتوار کو دہلی میں بادل چھائے رہنے اور ہلکی بارش ہونے کا امکان ہے جس سے فضا کے معیار میں بہتری ہوسکتی ہے۔
