کل ہند اتحاد المسلمین کے دہلی صدر کلیم الحفیظ نے بٹلہ ہاؤس جوگابائی کے آر بلاک پہنچ کر مقتول طالب کے والد سے ملاقات کی اور انہیں ایم آئی ایم کی طرف سے ہر ممکن مدد کی یقین دہانی کرائی۔ Kaleem ul Hafeez on Mob Lynching in Batla House
کلیم الحفیظ نے مقتول کے والد سے ملاقات کے دوران کہا کہ 'مسلم علاقے میں جس طرح سے طالب کا قتل ہوا ہے وہ انتہائی افسوسناک ہے۔ اس طرح کے قتل صحت مند سماج میں زیبا نہیں دیتا ۔انہوں نے کہا کہ مجرم کھلے عام گھوم رہے ہیں اس سے پولیس پر سوال اٹھتا ہے۔' Kaleem Ul-Hafeez meets Talib's father
انہوں نے کہا کہ 'اس حساس معاملے پر پولیس کو مثبت رول ادا کرتے ہوئے فوری کارروائی کرنی چاہیے۔ انہوں نے کہا کہ 'اگر اس پر پولیس مثبت ایکشن نہیں لیتی ہے تو پولیس کے خلاف لوگوں میں غم وغصہ رہے گا۔'
یہ بھی پڑھیں: Politics over Mob Lynching in Batla House: بٹلہ ہاؤس ماب لنچگ پر سیاست تیز، عام آدمی پارٹی کے کارکنان پر الزام
واضح رہے کہ 25 فروری 2022 کو دہلی کے مسلم اکثریتی علاقہ بٹلہ ہاؤس میں ایک 25 سالہ طالب نامی نوجوان کو بھیڑ نے پیٹ پیٹ کر قتل کردیا تھا۔ قتل کا الزام مقامی عام آدمی پارٹی کے لیڈر محمود کے قریبی لوگوں پر عائد کیا گیا، جبکہ محمود نے ان تمام الزامات کو خارج کرتے ہوئے کہا ہے کہ کانگریس اس پر سیاست کررہی ہے جسے وہ ہونے نہیں دیں گے۔' Batla House Mob Lynching Case
