ڈاکٹروں کے مطابق بی پی ایس بلاک میں ایمرجنسی سروس شروع ہونے سے مریضوں کو الگ اور فوری علاج میں مدد ملے گی۔ اس نئی سہولت کے تحت، بی پی ایس بلاک کے آئی سی یو میں 30 علیحدہ کیوبیکلز، 10 آئسولیشن پرائیویٹ کمرے اور چھ آپریشن تھیٹر بنائے گئے ہیں۔ AIIMS Delhi Begins Burns Emergency Services
حکام کے مطابق اس میں اسکن بینکنگ سہولیات، پیڈیاٹرک فزیوتھراپی، ہائپر بیرک آکسیجن تھراپی اور برن ہائیڈرو تھراپی کے لئے کام کیا جائے گا۔ ایمس کے میڈیکل سپرنٹنڈنٹ ڈاکٹر ڈی کے شرما نے اتوار کو بتایا کہ ایمرجنسی وارڈ میں مریضوں کی دیکھ بھال کے لیے آٹھ آبزرویشن بیڈ ہوں گے۔ Burns Emergency Services In AIIMS Delhi
یاد رہے کہ گزشتہ سال اس وقت کے مرکزی وزیر صحت ڈاکٹر ہرش وردھن نے ایسے مریضوں کے علاج کے لیے 100 بستروں کی سہولت کا افتتاح کیا تھا۔ بی پی ایس بلاک ایمس BPS Block AIIMS Delhi کی نسبتاً نئی سہولت ہے۔
- یہ بھی پڑھیں: دہلی ایمس میں آتشزدگی، بڑی مشقت کے بعد قابو پایا گیا
ذرائع کے مطابق اس طرح کی سہولت صرف مرکز کے زیر انتظام صفدر جنگ ہسپتال، رام منوہر لوہیا (آر ایم ایل) ہسپتال اور دہلی حکومت کے زیر انتظام لوک نائک جے پرکاش (ایل این جے پی) جیسے ہسپتالوں میں دستیاب ہے۔ Emergency Services In AIIMS Delhi
