دیہی علاقوں میں وبائی امراض کنٹرول مہم

یہ پروگرام ضلع کے تمام دیہی علاقوں میں باقاعدگی سے چلایا جارہا ہے اور دیہی علاقوں کے عوام کو باخبر اور محتاط رکھنے کے لئے کوشش کی جارہی ہے۔

وبائی امراض کورونا وائرس سے تحفظ فراہم کرنے کی غرض سے گوتم بودھ نگر میں ضلع انتظامیہ کی جانب سے وسیع پیمانے پر آگاہی میں مہم چلائی گئی۔

دیہی علاقوں میں لوگوں کو مزید بیدار کرنے کی غرض سے پنچایت آفیسر کنور سنگھ یادو اور ان کی صفائی ٹیم نے مہم کے دوران لوگوں کو کورونا وائرس کے متعلق جانکاری دی۔

اس موقع پر لوگوں کو سماجی فاصلہ قائم رکھنے اور ماسکس پہننے کی تلقین کی۔

وہیں چیف ڈویلپمنٹ آفیسر انیل کمار سنگھ نے بتایا 'پنچایت راج محکمہ کے توسط سے یہ پروگرام ضلع کے تمام دیہی علاقوں میں باقاعدگی سے چلایا جارہا ہے اور دیہی علاقوں کے عوام کو باخبر اور محتاط رکھنے کے لئے مہم چلائی جارہی ہے تاکہ دیہی علاقوں کے تمام افراد کو کورونا وائرس کے انفیکشن اور دیگر وبائی امراض سے بر وقت بچایا جاسکے.