نئی دہلی: نئے پارلیمنٹ کے افتتاح سے پہلے پی ایم مودی نے ہفتہ کو تمل ناڈو کے مہنت سے ملاقات کی۔ اس دوران سینگول کو پی ایم مودی کے حوالے کیا گیا۔ مہنت نے اقتدار کی منتقلی کے اس ثقافتی ورثے کو 'ویدک جاپ' کے ساتھ پی ایم کو سونپ دیا۔ اس روایت کو پورا کرنے کے لئے 21 مہنت موجود تھے۔ اس سے پہلے پی ایم مودی کو سنہرا انگواسترم دیا گیا اور پھر انہوں نے ویدک رسومات کے مطابق مہنت سے سینگول وصول کیا۔ اس دوران وزیر خزانہ نرملا سیتا رمن بھی موجود تھیں۔
مہنت نے سینگول کو وزیر اعظم مودی کے حوالے کیا
مدورائی آدھینم مندر کے چیف مہنت ہری ہر داس سوامیگل نے سینگول کو پی ایم مودی کے حوالے کیا۔ انہوں نے پہلے کہا تھا کہ سینگول تمل ثقافت کا ورثہ رہا ہے۔ جانکاری کے مطابق اتوار کو ہونے والے نئے پارلیمنٹ ہاؤس کی افتتاحی تقریب سے پہلے مہنت ہفتہ کو وزیر اعظم نریندر مودی کی رہائش گاہ پہنچے۔ پی ایم مودی نے ان سے ملاقات کی اور ان کا آشیرواد لیا۔ مہنت نے سینگول کو وزیر اعظم مودی کے حوالے کیا۔ بتا دیں کہ وزیر اعظم نریندر مودی 28 مئی کو نئے پارلیمنٹ ہاؤس کا افتتاح کریں گے۔ نئے پارلیمنٹ ہاؤس کا افتتاح ویدک رسومات کے ساتھ کیا جائے گا۔ اس سے پہلے وزیر اعظم نریندر مودی نے جمعہ کو کہا کہ نیا پارلیمنٹ ہاؤس ہر ہندوستانی کو فخر کا احساس دلائے گا۔
پانچ فٹ لمبا ہے سینگول
