نئی دہلی: دہلی اسمبلی میں جمعرات کو یمنا کی صفائی کے لیے 1028کروڑ روپے کے اضافی رقم کی منظوری کی گئی۔ دہلی کے نائب وزیر اعلیٰ اور آبی وزیر منیش سیسودیا نے یمنا کی صفائی کے لیے اضافی رقم کا مطالبہ کو ایوان میں رکھا اور ایوان نے اسے منظوری دی۔ منیش سیسودیا نے کہا 'لیفٹنٹ گورنر وی کے سکسینہ نے افسروں پر دباؤ ڈال کر یمنا کی صفائی کا کام کو روکنے کی ہر ممکنہ کوشش کی۔ دہلی حکومت یمنا کی صفائی کا کام کبھی رکنے نہیں دے گی۔“ سیسودیا نے کہا، ”حکومت نے دہلی جل بورڈ کے رکے پیسوں کو تو جاری کروا دیا ہے ساتھ ہی یمنا کی صفائی کے لیے 1028 کروڑ روپے کی اضافی بجٹ بھی جاری کیا ہے تاکہ یمنا کو صاف کرنے کے کاموں میں تیزی لائی جا سکے۔ یمنا کی صفائی کا کام روکنا نہیں ہے۔
وزیر اعلیٰ اروند کیجریوال نے اگلے انتخاب سے پہلے یمنا صاف کرنے کا عہد لیا ہے جسے مکمل کیا جائے گا۔ دہلی حکومت اس طرف جنگی سطح پر کام کر رہی ہے۔“ انہوں نے بتایا کہ کیجریوال نے یمنا کی صفائی کو اپنی ترجیح بتاتے ہوئے ہر ایک پہلو پر باریکی نظر رکھی ہے۔ وہیں دہلی اسمبلی کے ذریعہ سال 2022-23 کے لیے مکھیا منتری سڑک یوجنا میں 100 کروڑ روپے کے اضافی فنڈز، ٹرانس-یمونا ایریا کے کام کے لیے 49 کروڑ روپے، پی ڈبلیو ڈی سڑک کی مرمت، اضافی کلاس رومز کی تعمیر، ہسپتالوں کی ری ماڈلنگ وغیرہ کے لیے تقریباً 800 کروڑ روپے کے فنڈز کی منظوری دی گئی۔
یہ بھی پڑھیں: Arvind Kejriwal On LG ہمارے لیے جمہوریت، آئین اور قانون سب سے اہم ہیں
یو این آئی
