عام آدمی پارٹی کی حمایت کرنے میں پیش پیش رہنے والے انجمن ترقی اردو ہند کے جنرل سیکریٹری ڈاکٹر اطہر فاروقی نے عام آدمی پارٹی کی مجموعی کارکردگی سخت تنقید کی ہے۔ ای ٹی وی بھارت سے بات کرتے ہوئے انہوں نے کہا کہ اردو کے لیے عام آدمی پارٹی نے کچھ بھی نہیں کیا، دہلی حکومت کے اردو کے تئیں رویے سے ہمیںمایوسی ہاتھ لگی ہے۔
فاروقی نے بھی کہا کہ معاملہ اردو ٹیچروں کا ہو یا اردو مدارس کا، عام آدمی پارٹی نے کچھ بھی ایسا نہیں کیا جس سے ہمیں محسوس ہو کہ کچھ کام ہوا ہے۔ انہوں نے دعویٰ کیا کہ ان کا تعلق اردو زبان و ادب سے ہے اس لیےوہ اردو کے معاملے میںحکومت کے اقدامات پر نظر رکھتے ہیں اور اسی بنیاد پر یہ رائے قائم کررہے ہیں۔ انہوں نے کہا کہ دہلی میں اردو کے لیے شیلا دکشت نے کچھ نہیں کیا تھا اور اب عام آدمی پارٹی کے رہنما اروند کیجریوال بھی ان کے نقش قدم پر چل رہے ہیں۔
