راکیش کمار ریاستی کانگریس صدر سبھاش چوپڑا اور چیف ترجمان مکیش شرما کی موجودگی میں کانگریس میں شامل ہوئے۔
چوپڑا نے اس موقع پر میڈیا سے کہا کہ ’دہلی اسمبلی انتخابات کی تاریخ جیسے جیسے قریب آرہی ہے اپوزیشن اور بالخصوص آپ پارٹی کے رہنما کانگریس کا دامن تھام رہے ہیں۔ کانگریس کے دروازے ہر اس رہنما کے لیے کھلے ہیں جو پارٹی کے سیکولرازم کے نظریے میں یقین رکھتا ہے۔
انہوں نے جواہر لال نہرو یونیورسٹی کے واقعہ پر وزیر اعلی اروند کیجریوال پر وہاں نہ جانے کے لیے تنقید کی۔
انہوں نے کہا کہ کیجریوال نے نقاب پوش مطلوب عناصر کے یونیورسٹی کے اساتذہ اور طالب علموں پر حملہ کرنے کی مذمت نہیں کی اور نہ ہی وزیر اعلی نے وہاں جاکر ان کا حال چال معلوم کیا۔
